Moska zyrtare vijon të insistojë se masakra në Bucha u inskenua nga vetë ukrainasit për të rritur më tej frymën rusofobe në botë. Akuzat shkojnë dhe më tej duke shtuar se personat që inskenuan ngjarjet në qytetin pranë Kievit u paguan nga 25 dollarë secili.
Në një intervistë për Newsweek, ambasadori rus në SHBA, Anatoly Antonov shton se zhvillimet e fundit po tregojnë se Ukraina nuk ka dëshirë që ta zgjidhë këtë krizë përmes diplomacisë.
“Autoritetet ukrainase po intensifikojnë fushatën për të përhapur akuza të rreme kundër ushtrisë ruse, gjë që ngre dyshime për sinqeritetin e pretendimeve të Kievit se do të zgjidhë krizën përmes diplomacisë”, tha mes të tjerash Antonov.