Shkurtimet në furnizimet me gaz rus në Evropë janë si arsye e çështjeve teknike me turbinat, e jo arsyeve politike, tha të enjten zëdhënësi i Kremlinit, Dmitry Peskov, duke shtuar se nuk kishte “agjendë të fshehur”.
Rusia mbetet një furnizues i besueshëm i gazit dhe përmbush në mënyrë rigoroze të gjitha detyrimet e saj, u tha Peskov gazetarëve në një konferencë të rregullt.
Megjithatë, problemet me mirëmbajtjen e turbinave të Gazprom në Evropë kanë shkaktuar furnizime më të ulëta, shtoi ai. “Është e çuditshme të tërhiqni politikën në gjithçka”, tha Peskov.
Gjigandi shtetëror rus i energjisë Gazprom shkurtoi flukset përmes gazsjellësit Nord Stream 1 për në Gjermani me 60% javën e kaluar, duke fajësuar këtë veprim mbi vendimin e Evropës për të ndaluar turbinat jetike për shkak të sanksioneve.
Evropa është prekur gjerësisht nga kufizimi i dërgesave të gazit nga Rusia. Të enjten, Gjermania shpalli fazën e dytë të planit të saj të emergjencës me tre faza për furnizimet me gaz natyror. Zëvendës-kancelari Robert Habeck tha se “nga tani e tutje ka mungesë të furnizimit në Gjermani” dhe vendi aktualisht është “në një konfrontim ekonomik me Rusinë”./UBTNews/