Nga Diana Magnay, Sky News, Moskë
Ku do të jetë lufta gjatë vitit të ardhshëm?
Presidenti rus, Vladimir Putin duket se e ka pajtuar veten dhe njerëzit e tij me faktin se kjo luftë është për një kohë të gjatë. Ai nuk po tërhiqet, ai e ka përshkruar atë si ekzistenciale dhe tani mban rreth një të pestën e territorit ukrainas.
Gjasat që ai të tërhiqet, siç kërkon Ukraina, janë zero. Sigurisht që do të ketë pengesa, nga të dyja palët., dhe fitore të vogla. Por Rusia ka mjetet për ta mbajtur këtë në një luftë të zgjatur të sfilitjes dhe për Putinin, kjo luftë është politikë me mjete të tjera. Mos prisni paqe në kohën tonë më 2023, megjithëse sigurisht që kanë ndodhur gjëra më të çuditshme.
Në çfarë situate mund të gjendet Putini?
Njerëzit në Rusi duan që lufta të përfundojë, por njerëzit në shumicën e luftërave duan që luftërat të mbarojnë. Vladimir Putin nuk ka gjasa të përballet me mosmarrëveshje të forta të brendshme, sepse ai ka bërë të pamundurën gjatë sundimit të tij prej më shumë se dy dekadash për të shtypur sistematikisht çdo mundësi për mospajtim. Opozita politike është burgosur ose internuar.
Edhe nëse viktimat rriten ndjeshëm, gjë që ka shumë të ngjarë, ushtria arrin të mbajë një kapak shumë të ngushtë mbi koston e vërtetë të kësaj lufte. Dhe kur propaganda i pikturon sakrificat si për hir të atdheut, njerëzit priren ta besojnë atë.
Grindjet private dhe ankthi i përgjithësuar nuk bëjnë revolucion. Nëse Putini humb Krimenë, ndoshta ai do të duket më i paqëndrueshëm, por kjo nuk duket e mundshme së shpejti.
Ku do të qëndrojë Perëndimi?
Trajektorja perëndimore e rritjes së sasive të armëve dhe municioneve ka shumë të ngjarë të vazhdojë.
Vladimir Putin do të shpresojë që uniteti perëndimor të zbehet. Nuk ka ndodhur deri më sot, por padyshim që presionet e brendshme politike do të luajnë një rol dhe ka të ngjarë që Rusia të kërkojë mënyra për të përkeqësuar dallimet politike në vendet anëtare të NATO-s përmes mjeteve të liga dhe asimetrike./UBTNews/