Mali më i lartë i Francës, Mont Blanc, është tkurrur me mbi dy metra lartësi gjatë dy viteve të fundit, thanë studiuesit, duke matur majën Alpine në 4,805.59 metra.
Rënia prej 2,22 metrash mund të jetë për shkak të uljes së reshjeve gjatë verës, tha Jean des Garets, shefi i gjeometrit në departamentin Haute-Savoie të Francës juglindore.
Maja shkëmbore e malit ka një lartësi prej 4792 metrash mbi nivelin e detit, por mbulesa e tij e trashë me akull dhe borë ndryshon në lartësi nga viti, në vit në varësi të erës dhe motit.
Studiuesit e kanë matur atë çdo dy vjet që nga viti 2001, duke shpresuar të mbledhin informacione rreth ndikimit të ndryshimeve klimatike në Alpe.
“Ne po mbledhim të dhënat për brezat e ardhshëm. Ne nuk jemi këtu për t’i interpretuar ato”, tha des Garets./UBTNews/