Rusia ka thënë se 1 mijë e 351 ushtarë rusë kanë vdekur në Ukrainë, thanë zyrtarë të Shtabit të Përgjithshëm të ushtrisë ruse.
Gjeneralkolonel Sergey Rudskoy tha se edhe 3 mijë e 825 ushtarë janë plagosur, që prej se Rusia nisi pushtimin e Ukrainës më 24 shkurt.
NATO tha më herët gjatë javës se 7 mijë deri në 15 mijë ushtarë rusë mund të jenë vrarë në katër javët e para të luftës në Ukrainë.
Në shifrat e prezantuara nga Rusia duhet se nuk janë përfshirë edhe separatistët që luftojnë në lindje të Ukrainës – të cilët mbështeten nga Rusia – dhe nuk është e qartë nëse në këtë shifër përfshihen edhe trupat tjera ruse, që nuk janë pjesë e Ministrisë së Mbrojtjes, siç janë pjesëtarët e Gardës Kombëtare.
Ukraina gjatë kësaj jave ka thënë se mbi 15 mijë ushtarë rusë janë vrarë gjatë luftimeve me forcat ukrainase./REL