Rusia vazhdon të ridislokojë forcat e saj për një shtytje në Ukrainën lindore dhe luftimet pritet të intensifikohen atje gjatë dy deri në tri javët e ardhshme, tha të martën Ministria e Mbrojtjes e Mbretërisë së Bashkuar.
Sipas Ministrisë së Mbrojtjes, forcat ruse po tërhiqen nga Bjellorusia në mënyrë që të rivendosen në mbështetje të operacioneve në Ukrainën lindore.
Ndërkohë, një ministër i lartë i mbrojtjes i Mbretërisë së Bashkuar thotë se “të gjitha opsionet e mundshme janë në tryezë” për përgjigjen e Perëndimit nëse forcat ruse përdorin armë kimike në Ukrainë./UBTNews/