Ministria e Bujqësisë, Pylltarisë dhe Zhvillimit Rural ka njoftuar të martën se janë proceduar 2 milionë euro pagesa për fermerët në kuadër të Programit të Pagesave Direkte 2023.
Sipas kësaj ministrie, me pagesa do të vazhdohet edhe ditëve në vijim.
Ministri i Bujqësisë, Faton Peci ka njoftuar se pagesat për plehërimin dhe naftën do të procedohen paguhen pasi që fermerët i sjellin faturat si dëshmi.
“Sot kemi proceduar 2 milionë euro për pagesë për Programin e Pagesave Direkte / Subvencioneve 2023 për sipërfaqe, pas kontrolleve rigoroze në teren. Me këtë intensitet të pagesave do të vazhdohet edhe ditëve në vijim. Ndërsa, pagesat për plehërimin dhe naftën do të procedohen / paguhen pasi që fermerët i sjellin faturat si dëshmi. Ju rikujtojmë se për herë të parë kontrolle në shumë komuna të Kosovës nga 5% apo 10% është rritur në 100%”, ka shkruar ministri Peci.