Të hënën, ambasadori i Rusisë në OKB u largua nga një takim i Këshillit të Sigurimit pasi vendi i tij u fajësua për shkaktimin e një krize globale ushqimore nga BE.
Lufta në Ukrainë, ka lënë shumë ushqime të bllokuara në portet e Ukrainës.
Tani, Turqia thotë se po punon ngushtë me Rusinë dhe Ukrainën për të rënë dakord për një plan të drejtuar nga OKB-ja, që do të rifillonte eksportet e grurit përmes një korridori të sigurt të transportit, tha ministri i Mbrojtjes, Hulusi Akar.
Ai tha se të katër palët po punonin lidhur me atë se si do të pastroheshin minat në portin jugor të Odesës dhe gjetkë përgjatë bregut të Ukrainës dhe se kush do të ruante korridorin.
“Ne po bëjmë përpjekje për ta përfunduar këtë sa më shpejt të jetë e mundur”, u tha ai gazetarëve.
Ukraina është një eksportues i madh i vajit të gatimit, si dhe i drithërave si misri dhe gruri. Rusia gjithashtu eksporton sasi të mëdha drithërash, si dhe plehra. Mungesa e këtyre eksporteve ka bërë që çmimi i alternativave të rritet./UBTNews/