Ministri rus i Mbrojtjes, Sergei Shoigu ka vizituar sot Mariupolin, një vizitë e rrallë e një figure të njohur shtetërore ruse.
Ministria ruse e mbrojtjes publikoi të hënën disa fotografi ku shihet ai duke inspektuar infrastrukturën e dëmtuar si pasojë e luftës.
Tass raporton: “Shoigu u informua për ndërtimin e kanalit më të madh të ujit që lidh rajonin e Rostovit dhe [Donetsk], nga lumi Don në kanalin Siverskyi Donets-Donbas”.
Mariupoli u rrethua nga forcat ruse në fazat e hershme të luftës. Ai shtrihet në Donetsk, një nga katër rajonet pjesërisht të pushtuara të Ukrainës, të cilat Federata Ruse deshi në mënyrë të njëanshme t’i aneksonte në tetor të vitit 2022./UBTNews/