Ministri i Jashtëm i Hungarisë ka mbërritur në Moskë për të filluar bisedimet për sigurimin e furnizimit me gaz për vendin e tij, raporton agjencia hungareze e lajmeve MTI, duke cituar një zëdhënës të Ministrisë së Jashtme.
Peter Szijjarto do të takohet me ministrin e jashtëm rus, Sergei Lavrov dhe zëvendëskryeministrin Alexander Novak për të diskutuar këtë çështje. Ata pritet të mbajnë një konferencë shtypi sot.
“Ne kemi arritur në Moskë. Ne i kemi dy detyra para vetes: të sigurojmë se do të ketë furnizime me gaz natyror për popullin hungarez dhe theksoj se ne duam paqe sa më shpejt të jetë e mundur”, shkroi Szijjarto në Facebook.
Sipas një marrëveshjeje 15-vjeçare me gjigantin rus të energjisë Gazprom, Hungaria merr 3.5 miliardë metra kub gaz në vit nëpërmjet Bullgarisë dhe Serbisë dhe 1 miliard metra kub të tjerë nëpërmjet një tubacioni nga Austria./UBTNews/