Një milici famëkeqe në DR Kongon lindore ekzekutoi të dielën 17 persona që mori peng një ditë më parë, thanë burimet lokale.
Kryengritësit e CODECO vranë të paktën 17 persona të kapur në territorin Djugu.
“Pengjet janë të vdekur, ata janë ekzekutuar nga milicia CODECO”, tha për AFP një udhëheqës tradicional lokal, Toko Kagbanese.
Njerëzit u morën peng pasi tre anëtarë të CODECO-s u vranë në një përleshje me një milici rivale, tha një banor lokal në Bambu, një nga dy fshatrat e sulmuar të shtunën.
Në mesin e atyre që u morën peng ishte një grua shtatzënë, sipas burimeve.
Që nga fundi i vitit 2022, dhjetëra njerëz janë vrarë në provincën Ituri çdo javë./UBTNews/