Në Peru, mijëra luanë të detit kanë vdekur si pasojë e shpërthimit të gripit të shpendëve, njoftoi Shërbimi Kombëtar i Zonave të Mbrojtura nga Shteti i Perusë (SERNANP).
Gripi i shpendëve, i njohur gjithashtu si H5N1, është përhapur te shumë specie në Peru. Fillimisht u raportua për shpërthimin e gripit te zogjtë në fund të muajit nëntor të vitit 2022 përgjatë bregdetit peruan. SERNANP tani ka raportuar për të paktën 63 mijë zogj të ngordhur për shkak të virusit.
Të paktën 3 mijë e 487 luanë të detit kanë ngordhur për shkak të virusit, sipas agjencisë – mbi 3% e popullsisë së luanëve të detit të Perusë. Gjithashtu kanë ngordhur edhe pesë foka të leshit si pasojë e gripit./UBTNews/