Qeveria e Kosovës, përkatësisht Ministria e Financave, Punës dhe Transfereve fton të gjithë punëdhënësit dhe punëkërkuesit në komunat e Mitrovicës së Veriut, Leposaviqit, Zubin Potokut dhe Zveçanit të regjistrohen në Zyret e Punësimit në komunat e tyre për të aplikuar për masën e punësimit për qytetarët e këtyre katër komunave.
Në njoftim thuhet se masa ofron mundësinë e subvencionimit të 70 për qind të pagës së punëtorëve të angazhuar për një periudhë prej gjashtë muajsh.