Përveç përdorimit për heqjen e llaçit të thonjve, acetonin mund ta përdorni dhe për disa aplikacione tjera në kujdesin e thonjve, por nëse nuk e posedoni në shtëpi ne po ju tregojmë se si mund ta largoni llakun nga thoni.
Hapni dezodorantin, spërkatni në thua dhe derisa është i njomur, hiqni me pambuk shtresën e ngjyrës, nëse nuk hiqet e gjitha, përsëriteni procedurën disa herë.
Edhe me një lloj spreji mund ta hiqni ngjyrën nga thonjtë, me llakun e flokëve. Mirëpo, në të njëjtin çast pas spërkatjes duhet të reagoni, sepse llaku shumë shpejt thahet dhe forcohet.
Procedura është e njëjtë si edhe me dezodorantin, mirëpo këtë herë përdorni peshqirë, letër tualeti apo fasoleta të njomura në vend të pambukut, sepse llaku është i ngjitshëm, andaj më vështirë do t’i hiqni mbetjet e pambukut nga thonjtë. /UBT News/