Kancelarja gjermane Angela Merkel bëri thirrje për dialog me talebanët në mënyrë që të vazhdojnë evakuimet nga Kabuli.
“Ne thjesht duhet të flasim me talebanët se si t’i nxjerrim njerëzit që punuan për Gjermaninë nga vendi”, tha Merkel dje në një konferencë shtypi, duke shtuar se dëshiron t’i dërgojnë ata në një vend të sigurt.
Ura ajrore, e krijuar nga vendet perëndimore për evakuimin e qytetarëve, përfundoi me tërheqjen e plotë të forcave amerikane nga Afganistani më 30 gusht.
Zëdhënësi i talebanëve Zabihullah Mujahid tha më herët se lëvizja talebane “dëshiron marrëdhënie diplomatike solide dhe zyrtare me Gjermaninë”.
Ai tha se një qeveri e unitetit kombëtar do të formohej sa më shpejt të ishte e mundur.