Qindra muzikantë ndërkombëtarë, përfshirë anëtarët e “Rage Against the Machine”, kanë nënshkruar një letër të hapur që u kërkon kolegëve të tjerë artistë dhe grupe të bojkotojnë shfaqjet në Izrael derisa t’i japë fund okupimit dhe spastrimit etnik të popullit palestinez.
Letra thotë, “Si muzikantë, ne nuk mund të heshtim. Sot është thelbësore që të qëndrojmë me Palestinën. Ne po u bëjmë thirrje kolegëve tanë që të tregojnë solidaritetin e tyre me popullin palestinez. Kompleksiteti me krimet e luftës në Izrael gjendet në heshtje, dhe sot heshtja nuk është një opsion”.
Me hashtag #MusiciansforPalestine, letra e hapur u kërkon kolegëve artistë të refuzojnë “të performojnë në institucionet kulturore bashkëpunëtore të Izraelit dhe të qëndrojnë të vendosur në mbështetjen për popullin palestinez dhe të drejtën njerëzore për sovranitet dhe liri”.
Rage Against the Machine, Serj Tankian, Roger Waters, Run the Jewels, Thurston Moore, Bun B, Royce Da 5’9, dhe Cypress Hill, janë vetëm disa nga mbi 600 muzikantët që iu kanë bashkangjitur thirrjes./UBTNews