Ministri i Energjisë i Katarit paralajmëroi të martën se “më e keqja nuk ka ardhur ende” për mungesën e naftës dhe gazit në Evropë, duke thënë se një dimër i ngrohtë kishte parandaluar vështirësi më të mëdha në muajt e fundit.
“E vetmja gjë që shpëtoi njerëzimin dhe Evropën këtë vit ishte një dimër i ngrohtë dhe ngadalësimi i ekonomisë”, tha Ministri i Energjisë së Katarit, Saad Al-Kaabi në Forumin Ekonomik të Katarit.
“Nëse ekonomia fillon të rikthehet (më 2024) dhe ju keni një dimër të rregullt, mendoj se më e keqja nuk ka ardhur ende”.
Pasi pushtimi rus i Ukrainës shkaktoi një krizë të furnizimit me energji, Evropa iu shmang problemeve serioze këtë dimrin e kaluar kryesisht për shkak të temperaturave më të buta se sa priteshin.
Por Kaabi dhe homologu i tij saudit, Princi Abdulaziz bin Salman, të dy i thanë konferencës se një krizë energjie po afrohej.
“Nëse ata nuk e kuptojnë këtë dhe nuk bëjnë një plan të duhur dhe të ulen me prodhuesit, dhe nëse kompanitë e naftës dhe gazit nuk demonizohen, realiteti do të ketë efekt dhe ne do të kemi një zgjidhje të arsyeshme”, tha Kaabi./UBTNews/