Edhe shtatë ditë kanë mbetur deri në zgjedhjet për këshillat kombëtar të pakicave në Serbi, zgjedhje të cilat do të mbahen më 13 nëntor, me ç’rast kandidatët e partive shqiptare në Luginën e Preshevës kanë intensifikuar fushatën elektorale.
Në garë për zgjedhjet e Këshillit Kombëtar Shqiptar në Serbi janë pesë parti politike, gjegjësisht pesë kandidatë. Me numrin rendor 1 është Partia Demokratike me kandidat Agim Halitin, me numër 2 është Partia për Veprim Demokratik me kandidat Ragmi Mustafin, me numër 3 është Lëvizja e Progresit Demokratik me kandidat Nevzad Lutfiun, me numër 4 është Alternativa për Ndryshim me bartës të listës Levent Qazimin dhe me numër 5 është Partia Demokratike Shqiptare me kandidat Enver Mehmetin.
Këshilli Kombëtar Shqiptar ka 15 këshilltarë dhe në fokus ka katër fusha: arsimin, kulturën, gjuhën dhe përdorimin e simboleve kombëtare./UBTNews/