Numri i viktimave nga COVID-19 në Indi ka shkuar në mbi 500 mijë. India, vendi i katërt për nga numri i viktimave globalisht, shënoi 400 mijë raste të vdekjes në korrik të vitit të kaluar pas shpërthimit të variantit Delta, sipas të dhënave zyrtare. Disa ekspertë shëndetësorë besojnë se shifrat janë edhe më të larta.
India është aktualisht në mes të një valë të tretë të koronavirusit të udhëhequr nga varianti Omicron, për të cilin disa ekspertë të lartë thonë se tashmë është në transmetim në komunitet, megjithëse zyrtarët federalë thonë se shumica e rasteve janë të lehta.
Muajin e kaluar, qeveria lehtësoi normat e testimit dhe u tha shteteve të heqin dorë nga testimi i detyrueshëm për kontaktet e rasteve të konfirmuara, përveç nëse ata ishin të moshuar ose kanë probleme të tjera shëndetësore.
Sipas të dhënave zyrtare, numri total i infeksioneve nga COVID-19 në Indi ka shkuar në 41.95 milionë, vendi i dytë për sa i përket rasteve me COVID-19 pas Shteteve të Bashkuara të Amerikës.
Në 24 orët e fundit u shënuan 1 mijë e 72 raste të vdekjes në Indi./UBTNews