Numri i të vdekurve nga shembja e një ndërtese iraniane dy javë më parë është rritur në 41 pasi u gjetën edhe tre trupa të tjerë, thanë autoritetet lokale të hënën.
Ndërtesa 10-katëshe e Metropolit që ishte në ndërtim e sipër në Abadan u shemb më 23 maj, duke shkaktuar protesta në solidaritet me familjet e viktimave.
“Numri i viktimave të aksidentit të Metropolit është rritur në 41 pas zbulimit dhe identifikimit të tre trupave të tjerë”, citohet të ketë thënë guvernatori i qytetit Ehsan Abbaspour.
“Ekipet e shpëtimit janë ende duke u përpjekur të gjejnë trupa të tjerë nën rrënoja”.
Nënkryetari i Iranit, Solat Mortazavi u citua të ketë thënë se “mbetjet e ndërtesës do të shkatërrohen plotësisht pas heqjes së mbeturinave”.
Fatkeqësia, një nga më vdekjeprurësit e Iranit në vite, shkaktoi një sërë demonstratash në të gjithë vendin kundër autoriteteve, të cilat u akuzuan për korrupsion dhe paaftësi.
Gjyqësori rajonal tha se kishte arrestuar 13 persona, përfshirë kryetarin e bashkisë së Abadan dhe dy ish-kryebashkiakë, të akuzuar si “përgjegjës” për tragjedinë./UBTNews/