Më shumë se 30 persona janë vrarë nga të shtënat masive në një qendër ditore për fëmijë në një provincë verilindore të Tajlandës, tha një zëdhënës i policisë.
Viktimat përfshinin fëmijë dhe të rritur, tha policia në një deklaratë të enjten, duke shtuar se autori i armatosur ishte një ish-oficer policie.
Gjeneralmajori i policisë Achayon Kraithong tha se personi i armatosur hapi zjarr herët pasdite në qendrën e kujdesit ditor në qytetin Nongbua Lamphu.
Ai tha se 30 persona u vranë, por nuk kishte më shumë detaje. Pas të shtënave, sulmuesi i ka marrë jetën vetes.
Një zëdhënës i zyrës rajonale të PR tha se 26 vdekje janë konfirmuar deri më tani – 23 fëmijë, dy mësues dhe një oficer policie ishin në mesin e të vdekurve.
Të shtënat masive janë të rralla në Tajlandë, por në vitin 2020, një ushtar i zemëruar për një marrëveshje pronësie vrau të paktën 29 persona dhe plagosi 57 në një tërbim që përfshiu katër vende./UBTNews/