Policia evropiane kreu bastisje në shumë vende evropiane të mërkurën herët, si pjesë e një hetimi ndaj mafies kalabreze, në goditjen e fundit që synonte rrjetin e përhapur kriminal.
“Këtë mëngjes, një operacion evropian në shkallë të gjerë u zhvillua në disa vende. Bëhet fjalë për një çështje të hapur nga Prokuroria Federale belge, në bashkëpunim me Prokurorinë e Limburgut, Policinë Gjyqësore Federale, Eurojust, Europol dhe vende të ndryshme, në veçanti Italinë”, tha në një deklaratë Zyra e Prokurorit Federal të Belgjikës.
Autoritetet italiane arrestuan 108 persona në Itali si pjesë hetimit.
Në një deklaratë të përbashkët, prokurorët publikë nga qytetet gjermane thanë se “forcat nga Bavaria, North Rhine-Westphalia, Rheinland-Pfalz dhe Saarland” janë përfshirë në “operacionin në shkallë të gjerë”, i cili u zhvillua në të gjithë Evropën gjatë së mërkurës.
Në Belgjikë, më shumë se 20 bastisje u kryen si pjesë e operacionit, thuhet në deklaratën e prokurorit federal.
Ndrangheta, e cila është e vendosur në rajonin jugor italian të Kalabrisë, konsiderohet të jetë grupi mafioz më i fuqishëm në vend./UBTNews/