Dymbëdhjetë anëtarë të një grupi fetar janë arrestuar për vdekjen e një vajze tetë vjeçare në Australi.
Elizabeth Struhs vdiq më 7 janar në një shtëpi në jug të Brisbane, pasi asaj iu refuzua insulina për gati një javë.
Në fillim të këtij viti, prindërit e saj u akuzuan për vrasje, torturë dhe mossigurim të nevojave të jetës.
Policia tani thotë se do të akuzojë 12 persona të tjerë – të moshës 19 deri në 64 vjeç – për vdekjen e vajzës.
Grupi kishte qenë në dijeni të përkeqësimit të gjendjes mjekësore të Elizabeth, por nuk kërkoi ndihmë, tha Policia e Queensland në një deklaratë.
Prindërit e saj – Jason dhe Kerrie Struhs – janë anëtarë të një grupi të vogël fetar në qytetin e Toowoomba që nuk është i lidhur me ndonjë kishë të zakonshme, sipas mediave lokale.
Policia pretendon se dyshja dhe të tjerët u lutën për shërimin e Elizabeth pasi ajo u sëmur rëndë, thanë mediat.
Autoritetet nuk u thirrën deri një ditë pasi fëmija vdiq.
Kryeinspektori i Detektivit, Garry Watts tha se policia ishte befasuar nga ajo që gjeti, duke e quajtur hetimin të paprecedentë.
“Në 40 vitet e mia të policisë, nuk jam përballur kurrë me një çështje si kjo” tha ai.
“Dhe unë nuk jam në dijeni të një ngjarje të ngjashme në Queensland, e lëre më Australi”./UBTNews/