Rusia “ka pësuar një numër të ngjashëm të vdekjeve” në tre muajt e parë të pushtimit të saj në Ukrainë me atë të Bashkimit Sovjetik gjatë nëntë viteve të luftës në Afganistan, tha sot Ministria e Mbrojtjes e Mbretërisë së Bashkuar.
“Një kombinim i taktikave të dobëta të nivelit të ulët, mbulim të kufizuar ajror, mungesa e fleksibilitetit dhe një qasje komanduese e cila është e përgatitur për të përforcuar dështimin dhe gabimet e përsëritura ka çuar në këtë shkallë të lartë të viktimave, e cila vazhdon të rritet në ofensivën e Donbasit”, tha ministria.
E marta shënon tre muaj që kur Rusia nisi sulmin e saj ndaj Ukrainës më 24 shkurt, ndërsa pushtimi sovjetik i Afganistanit zgjati nga dhjetori 1979 deri në shkurt 1989.
Sa i përket krahasimit: Numri zyrtar i vdekjeve gjatë Luftës në Afganistan ishte rreth 15,000 ushtarë. Në mars, zyrtarë të lartë të NATO-s vlerësuan se deri në 15,000 ushtarë rusë mund të jenë vrarë në Ukrainë vetëm brenda një muaji./UBTNews/