Lëkura e mollës përmban vitaminë C e cila ka aftësinë të ngadalësojë plakjen. Ajo gjithashtu është e pasur me antioksidantë që luftojnë veprimin e radikaleve të lira si dhe veprimin e rrezeve të dëmshme UV.
Prandaj sa herë që të hani një mollë, mos nxitoni t’i hidhni lëkurën. Përkundrazi, Neps ju prezanton sot një recetë bukurie e cila do i japë jetë fytyrës suaj.
Ju nevojiten:
- 1 domate
- 1 mollë
- 2 lugë gjelle qumësht
Udhëzime:
- Në një blender bashkoni tulin e domates (pa lëkurë) dhe lëkurën e mollës. Mollën lajeni paraprakisht në mënyrë që lëkura të jetë e pastër, pa pesticide.
- Pasi e keni trazuar masën, shtoni qumështin.
- Sapo maska të bëhet kremoze, aplikojeni në fytyrën tuaj. E lini të veprojë për 20 minuta dhe më pas e shpëlani fytyrën me ujë të vakët./neps