Pas bisedimeve të OKB-së për klimën COP28 në Dubai, ministri saudit i Energjisë, Princi Abdulaziz bin Salman e hodhi poshtë menjëherë tekstin, duke këmbëngulur se ai “nuk do të kishte ndikim në eksportet” nga vendi që dërgon më shumë naftë se çdo tjetër.
Marrëveshja “nuk imponon asgjë” për vendet prodhuese të naftës dhe u lejon atyre të ulin emetimet “sipas mundësive dhe interesave të tyre”, tha ministri.
Nuk është një “marrëveshje për eliminimin e menjëhershëm ose progresiv të karburanteve fosile, por një proces tranzicioni”, tha ai për kanalin televiziv saudit Al Arabiya Business./UBTNews/