Zyrtarët ukrainas thanë se forcat ruse kishin filluar të bombardojnë fabrikën Azovstal në qytetin e rrethuar të Mariupolit, ku forcat ukrainase dhe civilët mbeten të rrethuar.
Petro Andriushchenko, një këshilltar i kryebashkiakut të Mariupolit, tha në një deklaratë se forcat ruse “jo vetëm që po sulmojnë Azovstalin me bomba, por edhe me artileri dhe tanke, duke vazhduar sulmet e tyre kaotike në zonën e banimit të lagjes së Bregut të Majtë (Livoberezhnyi) përgjatë linjes nga Bulevardi Meotidy”.
Andriushchenko nuk është në Mariupol, por mban një rrjet kontaktesh në qytet. CNN nuk mund të konfirmojë në mënyrë të pavarur vendndodhjen e sulmeve ruse, por mediat pro-Kremlinit kanë publikuar pamjet e granatimeve të Azovstal.
Liudmyla Denisova, ombudsmeni i të drejtave të njeriut në parlamentin ukrainas, tha se rreth 1,000 civilë, përfshirë fëmijë, mbeten në bodrumin e fabrikës, një shifër që përputhet me vlerësimet e dhëna nga njësitë ukrainase që mbrojnë fabrikën./UBTNews/