Kina mund të luajë një “rol të rëndësishëm” drejt gjetjes së një rruge për paqen në Ukrainë, tha presidenti francez, Emmanuel Macron, në një fjalim të mërkurën në ditën e parë të vizitës shtetërore në Pekin.
Presidenti tha se dialogu me Kinën për luftën në Ukrainë është “i domosdoshëm” për shkak të marrëdhënieve të ngushta të Pekinit me Rusinë.
“Të flasësh drejtpërdrejt me Kinën për këtë konflikt, për agresionin rus … do të thotë të angazhohesh në një marrëdhënie strategjike që mund të jetë më komplekse se ajo që do të donim të thoshim me shkrim”, shtoi ai./UBTNews/