Presidenti francez, Emmanuel Macron dhe Princi i Kurorës Saudite, Mohammed bin Salman, kanë rënë dakord të punojnë “për të lehtësuar efektet” që ka shkaktuar lufta në Ukrainë gjatë bisedimeve në Paris, sipas presidencës franceze.
“Presidenti dhe Princi i Kurorës i Arabisë Saudite nënvizuan nevojën për t’i dhënë fund këtij konflikti dhe për të intensifikuar bashkëpunimin e tyre për të lehtësuar efektet në Evropë, Lindjen e Mesme dhe më gjerë në botë”, thuhet në një deklaratë.
Ndihmësit e presidentit francez kishin treguar përpara bisedimeve se Macron planifikonte t’i kërkonte Arabisë Saudite të rriste prodhimin e saj të naftës për të ndihmuar në uljen e çmimeve të naftës së papërpunuar./UBTNews/