Presidenti i Bjellorusisë, Alexander Lukashenko, ka thënë se vendi i tij duhet të përfshihet në negociatat për zgjidhjen e konfliktit në Ukrainë.
“Kjo luftë është pak përtej gardhit nga vendi ynë dhe ajo ndikon në situatën në vendin tonë në mënyrën më serioze”, citohet të ketë thënë Lukashenko nga agjencia shtetërore e lajmeve Belta.
“Prandaj nuk mund të ketë marrëveshje të veçanta pas shpinës së Bjellorusisë”, shtoi ai.
Lukashenko tha se ai priste të zhvillonte bisedime me presidentin rus Vladimir Putin në ditët në vijim./UBTNews/