Lituania ka bërë thirrje për prani të përhershme të një brigade ushtarake gjermane në tokën lituaneze, në mënyrë që të ofrojë siguri në këtë vend baltik.
Ministri i mbrojtjes i Lituanisë, Arvydas Anusauskas, bëri thirrje pas rritjes së frikës për përhapjen e luftës edhe në shtetet përreth Ukrainës.
Megjithatë, ministri gjerman i mbrojtjes, Boris Pistorius deklaroi se thirrjet nga Lituania për një brigadë të përhershme gjermane do të jenë “në varësi të NATO-s”.
“Kjo nuk varet nga kush çfarë dëshiron – ose kush dëshiron të sigurojë çfarë – por në varësi të NATO-s”, u tha Pistorius gazetarëve.
Që nga viti 2017, Gjermania ka udhëhequr një batalion ndërkombëtar me rreth 1 mijë e 500 trupa në Lituani, si pjesë e përpjekjeve të NATO-s për të penguar Rusinë nga sulmi në rajonin e Balltikut, që konsiderohet si një nga pikat më të dobëta në krahun lindor të aleancës./UBTNews/