Lista Serbe ka dorëzuar një ankesë në Gjykatën Kushtetuese të Kosovës, duke kërkuar shqyrtimin e “shkeljes së rëndë të të drejtave të popullit serb” gjatë seancave të Kuvendit të Kosovës për zgjedhjen e nënkryetarëve të Kuvendit.
Në komunikatën e dërguar për media, ata theksuan se parimet kushtetuese dhe demokratike janë shkelur dhe se populli serb nuk është në gjendje të ushtrojë të drejtat e tij të garantuara.
“Ne presim që Gjykata Kushtetuese të reagojë urgjentisht dhe të marrë të gjitha masat e nevojshme për të mbrojtur sundimin e ligjit dhe të drejtat e popullit serb në përputhje me aktet ligjore në fuqi”, thuhet në reagimin e Listës Serbe.