Ndërsa Rover Perseverance i NASA-s eksploron sipërfaqen e Marsit, shkencëtarët që shikojnë për shenja të jetës antike në planetin e largët po përdorin të dhëna të mbledhura në një mision shumë më afër shtëpisë në një liqen në Turqinë Jugperëndimore.
NASA thotë se mineralet dhe depozitat e shkëmbinjve në Salda janë përputhja më e afërt në Tokë me ato përreth Kraterit Jezero ku anija kozmike u ul dhe që besohet se dikur ishte përmbytur me ujë.
Informacioni i mbledhur nga Liqeni Salda mund t’i ndihmojë shkencëtarët teksa kërkojnë gjurmë të fosilizuara të jetës mikrobike të ruajtur në sedimentin që mendohet të jetë depozituar rreth deltës dhe liqenit të zhdukur prej kohësh që dikur ushqente.
“Salda … do të shërbejë si një analog i fuqishëm në të cilin ne mund të mësojmë dhe të marrim në pyetje,” tha Z. Thomas Zurbuchen, administrator i asociuar i NASA-s për shkencën.
Një ekip shkencëtarësh planetarë amerikanë dhe turq kryen kërkime në vitin 2019 në bregdet e liqenit, të njohur si Maldivet e Turqisë për shkak të ujit të kaltër dhe brigjeve të bardha.
Shkencëtarët besojnë se sedimentet përreth liqenit gërryhen nga tuma të mëdha që formohen me ndihmën e mikrobeve dhe njihen si mikrobialit.
Ekipi prapa Perseverance, laboratori më i përparuar i astrobiologjisë që ka fluturuar ndonjëherë në një planet tjetër, dëshiron të zbulojë nëse ka mikrobialit në Kraterin Jezero.
Ata gjithashtu do krahasojnë sedimentet e plazhit nga Salda me minerale karbonatike – të formuara nga dioksidi i karbonit dhe uji, një përbërës kryesor për jetën – zbuluar në kufijtë e Kraterit Jezero.
“Pra, ne jemi vërtet të kënaqur që kemi atë liqen, vetëm sepse mendoj se do të jetë me ne për një kohë të gjatë” thanë ata.
Mostrat e shkëmbinjve nga toka marsiane do të ruhen në sipërfaqe për tërheqje eventuale dhe do të sjellen në Tokë nga dy misione robotike të ardhshme, deri në 2031.
(Përktheu dhe përshtati UBTNews)