Linja ajrore kryesore e Turkmenistanit ka pezulluar fluturimet për në Moskë, duke përmendur shqetësimet e sigurisë pas sulmeve me dronë ukrainas në kryeqytetin rus.
“Për shkak të situatës në zonën ajrore të Moskës dhe bazuar në vlerësimin e rrezikut për të garantuar sigurinë e fluturimit, të gjitha fluturimet e Turkmenistan Airlines në linjën Ashgabat-Moskë-Ashgabat do të pezullohen”, njoftoi linja ajrore përmes një deklarate.
Turkmenistan Airlines tha se do të fluturojë për në Kazan, më shumë se 700 km (440 milje) në lindje të Moskës.
Gjatë ditëve të fundit Rusia tha se ka rrëzuar dronët ukrainas afër dhe mbi Moskë./UBTNews/