Dhoma e Komunave kanadeze votoi njëzëri të mërkurën për të njohur “aktet e gjenocidit” të kryera nga Rusia në Ukrainë.
“Me pëlqimin unanim, u vendos që, duke pasur parasysh se ka prova të qarta dhe të mjaftueshme të krimeve sistematike dhe masive të luftës dhe krimeve kundër njerëzimit që janë kryer kundër popullit të Ukrainës nga forcat e armatosura të Federatës Ruse, të drejtuara nga Presidenti Vladimir Putin dhe të tjerët brenda parlamentit rus… Dhoma e pranon se Federata Ruse po kryen akte gjenocidi kundër popullit ukrainas”, thuhet në deklaratën e HOC.
Mocioni përshkruan mizoritë masive, vrasjet me dashje të civilëve ukrainas, transferimin me forcë të qytetarëve ukrainas në territorin rus dhe “rastet e përhapura të dëmtimit fizik, dëmtimit mendor dhe përdhunimit”./UBTNews/