Ligjvënësit amerikanë ranë dakord t’i ofrojnë Ukrainës të paktën 800 milionë dollarë ndihmë shtesë për sigurinë vitin e ardhshëm, sipas një projektligji të politikës së mbrojtjes që u bë i ditur të martën.
Akti i Autorizimit Kombëtar të Mbrojtjes Fiskale 2023 ose NDAA, autorizon shpenzimet shtesë për Iniciativën e Ndihmës për Sigurinë e Ukrainës, një rritje prej 500 milionë dollarësh mbi kërkesën e presidentit Joe Biden në fillim të këtij viti.
Projektligji i përgjithshëm autorizon 45 miliardë dollarë më shumë për shpenzimet e mbrojtjes sesa kërkoi Biden, pasi negociatorët e Kongresit kërkuan të trajtojnë efektet e inflacionit global dhe të ofrojnë ndihmë shtesë për sigurinë për Ukrainën./UBTNews/