Ministri i Jashtëm rus, Sergey Lavrov akuzoi Shtetet e Bashkuara të Amerikës të mërkurën për “injorimin” e kufizimeve të hapësirës ajrore që Rusia i vendosi në rajonet bregdetare të Detit të Zi që nga fillimi i luftës në Ukrainë.
“Ata e shpërfillin plotësisht faktin se pas fillimit të një operacioni special ushtarak, ushtria jonë i shpalli zonat përkatëse të Detit të Zi, ngjitur në vende të caktuara, si zona me status të kufizuar për përdorimin e çdo avioni”, tha Lavrov në një intervistë për televizionin shtetëror rus, Rossiya 1.
Lavrov fajësoi gjithashtu SHBA-në se po kërkon vazhdimisht provokime për rritjen e tensioneve.
“Çdo incident që provokon përplasjen midis dy fuqive të mëdha bërthamore përbën gjithmonë një rrezik të madh”, tha ai./UBTNews/