Ministri i Jashtëm rus, Sergei Lavrov do të takohet sot me homologët ukrainas dhe perëndimorë në një takim të Këshillit të Sigurimit të Kombeve të Bashkuara.
Në mbledhje fillimisht do të ketë një adresim nga sekretari i Përgjithshëm i OKB-së, Antonio Guterres dhe prokurori i Gjykatës Penale Ndërkombëtare, Karim Khan.
Muajin e kaluar, kryeprokurori i Ukrainës tha se zyra e tij po heton pothuajse 26 mijë raste të dyshuara për krime lufte të kryera qëkur Rusia pushtoi Ukrainën më 24 shkurt dhe ka akuzuar 135 persona.
Mbledhja e së enjtes do të jetë takimi i 20-të i Këshillit të Sigurimit për Ukrainën këtë vit./UBTNews/