Ministri i Jashtëm rus, Sergey Lavrov do ta vizitojë qytetin Dhaka në Bangladesh dy ditë para samitit të G20-ës në New Delhi derisa Moska po synon të fuqizojë raportet bilaterale me këtë shtet të Azisë Jugore.
Zyrtarët qeveritarë thanë se Lavrov do të takohet me Ministrin e Jashtëm të Bangladeshit, Abdul Momen, më 7 shtator dhe do të flasë me kryeministrin Sheikh Hasina të nesërmen para se të niset për në konferencën e G20-ës.
“Të gjitha çështjet dypalëshe duke përfshirë (pagesat për) termocentralin bërthamor, tregtinë dhe energjinë do të diskutohen gjatë vizitës”, tha një zyrtar i paidentifikuar i ministrisë së jashtme të Bangladeshit./UBTNews/