Ministri i Jashtëm rus, Sergei Lavrov ka thënë se një bisedë me Sekretarin e Shtetit të SHBA-së Antony Blinken në margjinat e takimit të ministrave të jashtëm të G20 në Indi javën e kaluar ishte “konstruktive”, por ai nuk dëgjoi asgjë të re nga pala amerikane.
Duke folur në një intervistë në televizionin shtetëror rus, Lavrov tha se dyshja folën për 10 minuta dhe diskutuan çështjet e armëve bërthamore dhe konfliktin në Ukrainë.
Ky ishte takimi i parë mes dyshes që kur Rusia pushtoi Ukrainën shkurtin e kaluar.
“Kemi folur në mënyrë konstruktive, pa emocione, kemi shtrënguar duart.
Gjithçka që dëgjova ishte një qëndrim që tashmë është shprehur dhe nënvizuar në publik shumë herë më parë. Unë dhashë vlerësimin tim të sinqertë dhe të detajuar në lidhje me traktatin START dhe pse e pamë të nevojshme ta pezullonim atë”./UBTNews/