Ministri i Jashtëm i Rusisë ka thënë se anëtarësimi i Finlandës dhe Suedisë në NATO nuk do të bënte “shumë ndryshim” pasi të dy vendet kishin marrë pjesë prej kohësh në stërvitjet ushtarake të aleancës.
“Finlanda dhe Suedia, si dhe vende të tjera neutrale, kanë marrë pjesë në stërvitjet ushtarake të NATO-s për shumë vite”, tha Sergej Lavrov.
“NATO merr parasysh territorin e tyre kur planifikon përparime ushtarake në Lindje. Pra, në këtë kuptim ndoshta nuk ka shumë ndryshim. Le të shohim se si territori i tyre përdoret në praktikë në aleancën e Atlantikut të Veriut”, shtoi ai./UBTNews/