Ambasadori rus në Serbi, Alexander Botsan-Kharchenko ka deklaruar se një dialog konstruktiv midis Beogradit dhe Prishtinës me respektimin e uRezolutës 1244 të Këshillit të Sigurimit të Kombeve të Bashkuara nuk ka asnjë alternativë.
Sipas tij, të dyja palët duhet të kërkojnë një zgjidhje për Kosovën pa ndërhyrje të jashtme dhe vendosjen e afateve dhe recetave artificiale, transmeton Klan Kosova.
Në një intervistë për “Jedinstvo”, Kharchenko thotë se Rusia ndan vlerësimin e Beogradit se krijimi i Asociacionit të Komunave Serbe është një element kryesor në sigurimin e të drejtave dhe sigurisë së popullatës serbe në Kosovë.
Ai gjithashtu thotë se “fakti që Prishtina injoron detyrimet e saj në Bruksel ngre shqetësime serioze, ndërsa e konsideron siç e quajti ai “retorikën e “Shqipërisë së Madhe” shumë të rrezikshme dhe dëmton zgjidhjen e çështjes së Kosovës”, transmeton Klan Kosova.