Emisari i Bashkimit Evropian për dialogun Kosovë-Serbi, Miroslav Lajçak, ka zhvilluar një takim në Bruksel me shefin e misionit të EULEX-it në Kosovë, Giovanni Pietro Barbano. Takimi ka përfshirë diskutime të thelluara mbi zhvillimet e fundit në terren dhe punën e EULEX-it, misionit të BE-së që ka rolin e mbështetjes në fushat e rendit dhe drejtësisë në Kosovë.
Pas takimit, Lajçak ka shpërndarë një mesazh në rrjetet sociale, ku ka theksuar se bashkëpunimi me EULEX-in është i shkëlqyer dhe ka shprehur vlerësim për punën e misionit ndërkombëtar. Ai ka shkruar në X (ish-Twitter) se ky është një bashkëpunim i rëndësishëm për përmirësimin e sigurisë dhe përmbushjen e objektivave të BE-së në Kosovë./UBTNews/