Kuvajti vari pesë persona të enjten, në mesin e tyre një burrë të dënuar për përfshirje në një sulm vetëvrasës të vitit 2015 të Shtetit Islamik që vrau 26 persona, tha Prokuroria Publike.
Këto ekzekutime janë të parat që kur shtatë persona u vranë në nëntor të vitit të kaluar duke i dhënë fund një moratoriumi pesë vjeçar.
Në një deklaratë, Prokuroria Publike tha se mbikëqyri “zbatimin e dënimit me vdekje në Burgun Qendror të Kuvajtit” kundër pesë personave, shumica e të cilëve ishin të dënuar për vrasje.
Ekzekutimet përfshinin edhe Abdulrahman Sabah Saud, i cili është i dënuari kryesor në shpërthimin e vitit 2015 që goditi një xhami shiite në kryeqytet gjatë lutjeve të së premtes. Ky ishte sulmi më i përgjakshëm në historinë e Kuvajtit.
Një person tjeter nga Sri Lanka u dënua me vdekje për akuzat e drogës.
Prokuroria Publike tha se të pesë ishin ekzekutuar me varje.
Amnesty International tha se masa ishte “një shembull tjetër i rritjes shqetësuese të përdorimit të dënimit me vdekje” në Kuvajt./UBTNews/