Kryeministri i Kosovës, Albin Kurti, së bashku me kryetarin e komunës së Shtimes, Qemajl Aliun dhe ministrin e Administrimit të Pushtetit Lokal, Elbert Krasniqin, sot përuruan parkun dhe këndin e lodrave në fshatin Gjyrkoc të Shtimes.
Në prani të fëmijëve, mësuesve e qytetarëve shqiptarë dhe ashkalinjë, banorë të Gjyrkocit, u përurua parku me sipërfaqe 2.200m².
Për vetëm dy muaj e gjysmë, siç u bë e ditur në komunikatë, në bashkëfinancim të Ministrisë së Administrimit të Pushtetit Lokal dhe komunës së Shtimes, është realizuar parku me mbi 70% hapësira gjelbëruese, me 570 pemë të mbjella, 9 lloje të ndryshme të lodrave, 52 shtylla ndriçimi, parking për vetura dhe 330m² shtigje për ecje.