Kryeministri Albin Kurti ka bërë të ditur se ka nënshkruar marrëveshje me Bankën Evropiane për Zhvillim dhe Rindërtim, për investime 400 milionë euro në sektorët kryesorë të zhvillimit ekonomik të Kosovës.
Siç ka bërë të ditur Kurti, ky partneritet pritet të sjellë një investim në sektorët kryesorë për periudhën 2024–27.
Kurti ka theksuar se kjo shifër është më e madhe se totali i 340 milionë eurove në kredi dhe grante sovrane të marra gjatë tërë 11 viteve që Kosova është anëtare e kësaj organizate.
“Partneriteti me BERZH-in është më i fortë se kurrë. Sapo kam nënshkruar një Memorandum të marrëveshjes me Presidenten Odile Renaud për 400 milionë euro investime në sektorët kryesorë për periudhën 2024–27—më shumë se 340 milionë euro në kredi dhe grante sovrane gjatë tërë 11 viteve që Kosova është bërë shtet anëtar”, ka shkruar Kurti./UBTNews/