Kryeministri i Kosovës, Albin Kurti, bashkë me Ministren e Ekonomisë̈, Artane Rizvanolli dhe Ministrin e Financave, Punës dhe Transfereve, Hekuran Murati, sot kanë vizituar Agjencinë̈ Kosovare të Privatizimit.
Kryeministri Kurti nga aty tha se me emërimin e Bordit të ri të AKP-së janë shënuar disa të arritura që janë në interes të vendit.
Ai theksoi se tashmë e para si arritje është përgatitja e strategjisë përmbyllëse të AKP-së, dhe identifikimi i asteve që mund të transferohen në Fondin Sovran ku Bordi i AKP-së ka arritur të identifikoj mbi 2300 asete të AKP-së ku pas një analize vetëm 1653 prej tyre do barten në Fondin Sovran ndërsa mbi 700 janë pjesë e AKP-së.
Sukses tjetër ai konsideroi edhe Aktivizimin e ndërmarrjes Brezovica duke e vënë në përputhje të plotë me sistemin juridik të Kosovës, ku tha se vendosja e fiskalizimi do hapë rrugë për investime për këtë qendër turistike për Kosovën.
Kryetari i Bordit të AKP-së, Nazmi Mikullovcit tha se prej fillimit kanë pasur përkrahje për pune nga qeveria ndërsa për pronat qe nuk përfshihen në Fondin Sovran për tre vitet do përmbyllet kapitulli i privatizimit për to.