Diellza Kukaj, kryetare e Aleancës së Gruas së Kosovës në Aleanca për Ardhmërinë e Kosovës tha se deklarata e Kryeministrit Albin Kurti për mbështetjen e grave në Kosovë është një përpjekje e radhës për të maskuar “dështimet e tij të mëdha lidhur me çështjet gjinore”.
Kukaj tha se sa i përket tregut të punës, gratë në Kosovë vazhdojnë të jenë një nga grupet më të diskriminuara. Shkalla e papunësisë së tyre sipas Kukaj është alarmuese dhe ka shumë pak përpjekje reale për të krijuar politika që nxisin pjesëmarrjen e tyre në ciklin ekonomik.