Autoritetet kubane arrestuan 17 persona nën akuzat për lidhje me një rrjet të trafikimit të qenieve njerëzore e që dyshohet se joshi burra për të shërbyer në ushtrinë ruse në mes të luftës në Ukrainë.
Në fillim të kësaj jave, autoritetet thanë se po punojnë për të “neutralizuar dhe çmontuar” rrjetin, i cili funksionon si në Kubë ashtu edhe në Rusi.
“Si rezultat i hetimeve, 17 persona janë arrestuar deri më tani, mes tyre organizatori i brendshëm i këtyre aktiviteteve”, tha Cesar Rodriguez nga Ministria e Brendshme e Kubës, të enjten mbrëma në një program televiziv.
Prokurori Jose Luis Reyes tha se personat e përfshirë mund të dënohen me deri në 30 vjet burg, me burgim të përjetshëm ose me vdekje./UBTNews/