Kryetari i parlamentit të Gjeorgjisë, Shalva Papuashvili, nënshkroi një ligj të ri që kufizon të drejtat e komunitetit LGBTQ+ në vend, i ngjashëm me legjislacionin në Rusi. Ligji ndalon martesat ndërmjet personave të së njëjtës gjini, birësimin e fëmijëve nga çiftet LGBTQ+, dhe përkrahjen publike për këtë komunitet.
Ai gjithashtu ndalon kujdesin mjekësor për ata që dëshirojnë të ndryshojnë gjininë dhe modifikimin e identifikimit gjinor në dokumentet zyrtare.
Papuashvili deklaroi se ligji është i bazuar në “arsye, përvojë historike dhe vlera të lashta”, ndërsa Presidentja gjeorgjiane, Salome Zourabichvili, e refuzoi atë. Aktivistët e të drejtave të njeriut e kritikuan ligjin, duke e quajtur atë një hap të rrezikshëm për të drejtat e komunitetit LGBTQ+ dhe një përpjekje për të fituar mbështetje nga grupet konservatore në prag të zgjedhjeve parlamentare.
Kritikët e shohin këtë ligj si një manifestim të homofobisë institucionale, duke e krahasuar situatën me ligjet ruse që promovojnë “vlerat tradicionale” dhe ndalojnë mbështetje për marrëdhëniet jo-tradicionale./UBTNews/